Flyfoto av Florø
Postkortet viser kanskje det første flyfotoet av Florø. Vi kan tidfeste det nøyaktig. Vi ser at Likkjevatnet ikkje er oppdemt (1938). Den gamle vegen som gjekk i vasskanten kan vi skimte. Det nye sjukehuset står ferdig (1933) og det same med folkeskulen (1935). På Fugleskjærskaia er ikkje kjølelageret kome opp (1937). Altså er dette kortet frå 1936. Skogen veks friskt rundt åsen, men på toppen er det tynt. Bassenget kjem først to år seinare.
Kjelde: Flora-Minne, Flora Historielag, årsskrift 2013.